بعــــــــض العـــــــــــرب

بعض العرب

قالوا الاناء من قبل ينضـح بمـا فيـه
والكفـو يعـرف فـي المواقـف وعــده

بعـض العـرب مقـدام يـاحـي طـاريـه
مـثـلــه ولــــو عــــاداك لازم تــــوده

وبعـض العـرب مـن جـد ودك تلاقيـه
وتجلس معه من حسن الاخلاق مـده

وبعـض العـرب الله وش كثـر تغلـيـه
ويبـان لـك بأقسـى المواقـف بحـقـده

وبعض العـرب جـواد بيضـاء اياديـه
وارث فعال فعال الطيب عن جد جـده

وبعض العرب بالشح مقطوعه ايديه
ولامـن لفـاه الضيـف خصمـه وضـده

وبعض العرب في الجد، كحـد جنبيـه
وبعـض العـرب لعبـه مشـابـه لـجـده

وبعض العرب ثرثـار ماتستحـي فيـه
سـاعــة تـقـفـل تـوقـفـه عـنــد حــــده

وتـرى الرجـل قـولـه يبـيـن خوافـيـه
وتـعـرف مضاميـنـه مــن خــلال رده

واشمخ براسك فـوق واحـذر توطيـه
ولا تنطـح براسـك ســوى راس نــده

وكـلا وهـو واصلـه وراسـه ومافيـه
احــد (ن) يــرده واخــر (ن) مـايـرده

و الكفو جعل الـراس يسلـم وراعيـه
والـلاش راســه جـعـل صــارم يـقـده
للشاعر:
عادل بن حيدره العولقي

صح لسانك يا شعرنا
نبي ابداعك الاكثر والاجمل


دمت سالم
اخوك برق العوالق